* అది... నీ అదృష్టమే...!*@ కోరాడ నరసింహా రావు !

నాకు  తెలుసు..... !

  సత్యాన్ని తెలుసుకుని... 

   నడచుకోవాలనుకునే... 

   నీ జిజ్ఞాస కు... 

 ఈ పొంతనలేని ప్రవర్తనలు 

 తికమక పెడుతున్నాయని !

నిన్ను  ఎటూ....     తేల్చుకోనివ్వటం లేదని... !!

ఔను.... వారు చెప్పింది... 

  చేయకపోవచ్చు !

 చేసింది... చెప్పక... 

  మరుగుపరచనూ వచ్చు !

   అది... వారిబలహీనత !!

వారిబలహీనతలతో... 

  మనకు పనేముంది... !

 మనకు కావలసింది వారి 

  బలహీనతలు కాదు..., 

  వారు వెల్లడించిన... 

   అనుభవ సత్యాలే... !!

అది ఎవరు చెప్పినా.... 

  సత్యము, సత్యమే కదా !

   ఆచరణ యోగ్యమే కదా... 

   అనుసరణీయమే కదా... !!

  వారు చెప్పారని... సత్యం 

   అసత్యమైపోదుగా... !

సత్యాన్ని చెప్పి... 

  ఆచరించకపోవటం... 

   అది వారిఁదౌర్భాగ్యం !

 విని ఎట్టి సంశయము లేక... 

 అరమరికలకు తావీయక... 

   ఆచరించగలిగితే...., 

.. అది  నీ అదృష్టమే... !!

. ..... ******