చూసినేర్చుకుంటారు.. ;-- కోరాడ నరసింహా రావు !

చూసి...నేర్చుకుంటారు పిల్లలు      శ్రద్దనే చూపాలి పెద్దలు... !

కనిపంచేవి - వినిపించేవి... 

 పిల్లల మనసు దోచుకుంటాయి 

 అనుకరించి - అనుసరించే... 

  తత్వమే  వారిది... !!

అదిగో...అటుచూడండి.... 

      ఆ బాబును !

వాడు  రాత్రి చూసినసినిమాలో  రాకుమారుని వలే...., 

 అమ్మ చీరను, కిరీటంలా

.    తలకు చుట్టుకుని...., 

  కొండ  చీపురు పుల్లనే... 

     కత్తిలా  దోపుకుని...., 

   ఎలా పోజు  కొడుతున్నాడో !

    ఇదిగో.... ఇటు చూడండీ... 

  సినిమాలో  పాటలకు... 

   అచ్చం  ఆ హీరోయిన్ల లా.... 

  ఈ  చిన్నారులు ఇస్తున్న... 

      డాన్స్ పోజులు... !!

 అర్ధమైన - భావమైనతెలియని 

   ఆ వయసులో.... !

   అది  మంచో - చెడో...తెలిసి కొనకయే,అనుకరించు ఆ తీరు 

        అభం - శుభం తెలియని 

 ఆ చిన్నారులు చెడిపోతే.... 

    బాధ్యులము... పెద్దలమే !

అందుకే....., 

 పిల్లల పట్ల  పెద్దలు... 

               శ్రద్ద  వహించండి !

చెడును వారి దరికి.... 

.       చేరనీయకండి.... !!

 చూసి నేర్చుకుంటారు పిల్లలు !

    శ్రద్దనే చూపాలి  పెద్దలు.. !!

         *******