రండి - రండి పిల్లలూ....
మా పెరటిలోకి పదండి... !
కాయగూరల - ఆకుకూరల
మొక్కలుఎన్నోఉన్నవిఅక్కడ!!
ఇవిగో...ఇక్కడ వంగమొక్కలు
తెలుపు - నలుపు వంకాయలు
చూడగ ఎంతో ముచ్చటగున్నవి
ఆ ప్రక్కనున్నవి బెండమొక్కలు
ఈ ప్రక్కవి టమాటా మొక్కలు
అదిగదిగోదొండపాదు...ఈమూలన ఉన్నది చిక్కుడుపాదు... !
ఈ ఆనప కాయలు చూసారా...
ఎంత పొడవుగా పెరిగాయో.. !
ఆ బీరకాయలు ఇంకా చిన్నవి
బాగా పెద్దవి ఔతాయి.... !!
కాయకూరలే కాదర్రా.... ఆకు కూరలూ ఉన్నవి ఆ మూల !
కొత్తిమీర,మెంతుకూర...
తోట కూర, గోంగూర... !
ఇవియే కాక, బజారులో....
కేరట్లు, బీట్రూట్లు, కాకర, ఆగా కర, కేబేజీ, బంగాళాదుంపలు
ఇంకా దొరకును ఎన్నెన్నో... !!
ఈఆకుకూరలు - కూరగాయలు
ఆరోగ్యానికి ఎంతో మంచివి !
విరివిగా మనమీ కూరలు...
తింటూవుంటే...అనారోగ్యము
మన దరి జేరదు.... !!
ఈ కూరలు అన్నీ... ఎప్పుడు దొరికిన వప్పుడు కొనుక్కు తిందాము... !
మనం ఆరోగ్యంగావుందాము!!
addComments
కామెంట్ను పోస్ట్ చేయండి