* వీరునిగానే నిలుస్తా... ! *-- కోరాడ నరసింహా రావు.

గెలుపుకోసం... 

   పోరాడిన ప్రతిసారీ... 

      ఓటమినే చవిచూస్తున్నాం !

ఎప్పుడైనా.... 

  గెలిచినవారే గొప్ప కదా... !

నా అస్త్ర, శస్త్రాలేవీ.... 

          పనిచేయటం లేదు...! 

ప్రత్యర్థుల దగ్గరున్న... 

    ఆ దివ్య శస్త్రాస్త్రాలేమిటో 

        నాకు బోధపడటం లేదు.!

సందర్భానికి తగ్గట్టుగా... 

  తగిన అస్త్రాన్నేప్రయోగించినా

      ఛేదించలేక వ్యర్ధమౌతుంటే 

         నా సామర్ధ్యం మీద నాకే 

            అపనమ్మకమౌతోంది !! 

 

లోపమెక్కడుందో.... 

     బోధపడటం లేదు... !

ఐనా  తప్పదు... !

    యుద్ధంలో  వెనుతిరిగి... 

        వెన్నుచూప రాదు కదూ !!

జయించానా.... 

    విజయానందైశ్వర్యాన్ని 

        భోగిస్తాను... !

  ఆఖరివరకూ 

.      ఓడిపోతూనే యున్నా... 

         ఫరవాలేదు..... 

           సమరవీరునిగా... 

             లోకం గుర్తిస్తుంది.. !!

 ఓటమికి...భయపడో,బాధతోనో పారిపోవటంకన్నా.... 

    మరణించేవరకూ... నిలిచి 

      పోరాడి  వీరుడు గానే 

             నిలుస్తా..... !!

      ******