పాపం, ఆ మనిషి!;-- యామిజాల జగదీశ్

అప్పుకోసం 

పీల్చిపిప్పి చేసినతను 

ప్రేమను మరచినతను

ద్రోహం చేసినతను

పాపం చేసినతను

లేదని చెప్పినతను

జాలి చూపనతను

నన్నడగకని చెప్పినతను

శ్రమను దోచుకున్నతను

అబద్ధపు ముసుగు తొడుక్కున్నతను

ఇలా రకరకాల మనుషులు 

గుమికూడారు

ఓ నిరాశ్రయ మనిషి శవయాత్రలో ....

" పాపం. చాలా మంచి మనిషి! 

ఇలా అర్థంతరంగా 

ముగిసిపోవాలా అతని కథ" అంటూ

మాటలు కుమ్మరిస్తున్నారు,

ఒక్కరి కళ్ళల్లోనూ కన్నీటి చుక్క లేదు!!

దూరాన ఓ కాకి మాత్రం

విలపిస్తోంది

విచారిస్తోంది

ఎప్పుడో ఆ మనిషి పెట్టిన 

ఓ పిడికెడు అన్నాన్ని 

స్మరిస్తూ