సుప్రభాత కవిత ; -బృంద
హేమంతాలు కరిగిపోయి
శిశిరాలు  రాలిపోయి
కొత్త చివురులు  కొత్త క్షణాలు
అదే  కాలచక్రభ్రమణం

రాలిన ఆకుకు  రాగాలుండవు
చివురించే చిగురుకు పగలు ఉండవు
చీడలన్నీ మధ్యలోనే!

పూతకొచ్చిన ప్రతి మొగ్గా
పండిపోదా?
పండిపోయిన ప్రతి ఆకూ
రాలిపోదా??

రాల్చిన ఆకుల లెక్కపెట్టదు
కొత్త చివురుకు అడ్డుచెప్పదు
పండో..పువ్వో....పరిమళమో
నీడనో గాలో  ఏదైనా ఇవ్వడమే!

మౌడైనపుడు కుంగిపోదు
ఆకులు తోడైనపుడు పొంగిపోదు
నిబ్బరంగా ఎదురుచూస్తుంది
సరైన సమయం కోసం.

పవనాలతో  చుట్టేస్తూ
సేద దీరమని నీడనిస్తూ
గలగలమని ఆకుల సవ్వడితో
అలసిన మనసును ఆదరిస్తూ

మౌనంగా నేనున్నానని
ఓదారుస్తూ......
రాతిదెబ్బలకు బెదరొద్దని
అన్నిటికీ అతీతంగా వుండాలని


మౌనంగా పాఠం చెప్పి
దీపంగా గుండెని వెలిగించి
రూపంలేని కలతలకు
కుంగిపోవద్దని వెన్నుతట్టే

వృక్షం మన గురువు...
మన నేస్తం..కాదా
అలా వుండగలిగితే బ్రతుకున
వెలుగులు నిండవా?

వేదనైనా  వేడుకైనా
కష్టమైనా సుఖమైనా
మంచైనా చెడు అయినా
కదిలిపోక తప్పదు

🌸🌸  సుప్రభాతం🌸🌸

 

కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
ఉదయం మా హృదయం...- ప్రమోద్ ఆవంచ 7013272452;
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
సాహితీ ప్రియులకు అపురూప కానుక పొయిట్రి వర్క్ షాప్;-- యామిజాల జగదీశ్
చిత్రం
చిత్రం ;సాక్షి- 9వ తరగతి
చిత్రం