👌"జయ హనుమాన్" మంత్రము!
జయము నొసఁగు మంత్రము!
భక్త మహాశయులకు!
ఆత్మ బంధువు లార!
(ఆత్మ బంధు పదాలు., శంకరప్రియ.,)
👌"జయ హనుమాన్".. అయిదు అక్షరములు కలది! "పంచాక్షర" మంత్రము! ఆరాధకులకు, మరియు సాధకులకు... విజయములు, శుభములు నొసంగు దివ్య మంత్రము!
👌ఆంజనేయుడే హనుమంతుడు! అంజనీ దేవి సుపుత్రుడు! వాయుదేవుని కుమారుడు! దివ్యజ్ఞానమునకు, సద్గుణములకు మహా సముద్రము వంటివాడు! సాటిలేని బల పరాక్రమములు కలవాడు! ముల్లోకములను ప్రకాశింప జేయువాడు!
👌ధర్మ స్వరూపుడైన రామచంద్రుని సేవకుడు! మహావీరుడు! వజ్రము వంటి దివ్యదేహము కలవాడు! విక్రమ స్వరూపుడు! దుర్బుద్ధిని పోగొట్టు వాడు! సన్మార్గులకు మేలు చేయువాడు!
🙏జయ హనుమాన! జ్ఞాన గుణసాగర!
జయ కపీశ! తిహు లోక ఉజాగర!(1)
రామదూత! అతులిత బలధామా!
అంజని పుత్ర! పవనసుత నామా! (2)
మహావీర! విక్రమ! బజరంగీ!
కుమతి నివార! సుమతి కే సంగి!(3)
(గోస్వామి తులసీదాసు., శ్రీహనుమాన్ చాలీసా.,)
🚩తేట గీతి పద్యములు
🙏జయము! హనుమంత! కపివీర! జయము జయము!
సద్గుణంబుల సాగరా! సమర విజయ!
మూడులోకాల ప్రభలకు మూలమీవె!
భవ్య గుణధామ! శ్రీరామభక్త హనుమ!
🙏వజ్ర సన్నిభ! విక్రమ! వాయుపుత్ర!
సద్గుణంబులు గల్గింప సన్నుతింతు!
మంచిఁ బెంచుము మహియందు మాన్య చరిత!
భవ్య గుణధామ! శ్రీరామభక్త హనుమ!(2)
( "శ్రీహనుమాన్ ప్రపత్తి" శ్రీహనుమాన్ చాలీసా భావానువాదము: "భక్త కవిరత్న"
భమిడిపాటి కాళిదాసు., )
addComments
కామెంట్‌ను పోస్ట్ చేయండి