ఆది గురువే శివుడు ;- శంకర ప్రియ., శీల.,సంచార వాణి:. 99127 67098

 🪷 ఆది గురువే శివుడు!
ఆది దేవుడు శివుడు!
      ఆద్యంత రహితుండు!
ఆత్మ బంధువు లార!
     (ఆత్మ బంధు పదాలు., శంకర ప్రియ.,)
👌పరమశివు డొక్కడే .. జగద్గురువు! దక్షిణామూర్తి స్వరూపుడు!  గురువు లందరికీ గురువు! ఆదిగురువు.. సాంబ సదా శివుడు! గురుమూర్తిగా.. సమస్త జీవకోటికి.. జ్ఞానమును, విజ్ఞానమును.. అనుగ్రహించు చున్నాడు!
      ఆచార్యుడు,విద్వాంసుడు, దేశికుడు, అధ్యాపకుడు, ఉపాధ్యాయుడు.. మున్నగు నవి; "గురువు" శబ్దమునకు పర్యాయపదాలు!
👌 సదా శివుడు, స్కందుడు, కేశవుడు, పితామహుడు, నందీశ్వరుడు, అగస్త్యుడు, భరద్వాజుడు, అత్రి, గౌతముడు, దధీచి, ఉపమన్యువు, మార్కండేయుడు, పరాశరుడు,  శ్వేతాచార్యుడు, లకులీశ్వరుడు, శ్రీకంఠాచార్యుడు, శంకరాచార్యుడు, బోధానందుడు.. మున్నగు ప్రముఖులైన వారందరూ; శైవధర్మ ప్రవర్తకులు! అటువంటి, ప్రాచీన, అర్వాచీన కాలమునకు సంబంధించిన శ్రీశైవమహాచార్య వర్యులకు, భక్తి ప్రపత్తులతో.. రెండు చేతులను జోడించి నమస్కరించు చున్నాను!
 🚩"వందే గురు పరంపరాం..!" 
     
    🔱సదాశివ సమారంభాం 
 శ్రీకంఠాచార్య మధ్యమాం!
      అస్మదాచార్య పర్యంతాం 
 వందే గురుపరంపరాం! (1)
    🔱వందే సదాశివం, స్కందం 
 కేశవం, పద్మసంభవం!
     నందీశ్వరం, కుంభయోనిం
భరద్వాజాzత్రి గౌతమాన్! (2)
    🔱దధీచిం, ఉపమన్యుంచ 
 మార్కండేయo, పరాశరం!
      శ్వేతంచ, లకులీశంచ 
 శ్రీకంఠo శివం, శంకరం! (3)
    🔱బోధానందం, తథాచాన్యాన్, 
శివ ధర్మ ప్రవర్తకాన్!
      ప్రాచీనా నస్మదాచార్యాన్ 
 అర్వాచీనా నమామ్యహం!! (4)
      (స్తోత్ర రత్నాకరం., సంకలన కర్త: "పురాణ వాచస్పతి" "బ్రహ్మవిద్య సరస్వతి" శ్రీ పులవర్తి నూకాల రావు శర్మ.,)