@ క్షణాలలో చెప్పేస్తుంది @ కోరాడ నరసింహారావు.

బాబూ - పాపా..... 

           భయపడకండి... !

పిల్లలు తెలియక అడిగిన 

 ప్రశ్నలకు... పెద్దలు తెలియక 

         చిరాకు పడకండీ... !

మాకూ తెలియదు 

    తెలిసుకుందాము 

       అంటూ, నచ్చజెప్పండి !

పెద్దలు చక్కగ తెలుసుకునీ 

    పిల్లలకు తెలియ జెప్పండి!

        

   ఎన్నో తెలిసిన పెద్దలకైనా 

     తెలియని విషయా లెన్నెన్నో     

 అన్నీ తెలిసిన విజ్ఞులు కొందరు 

      ఖచ్చితంగా ఉంటారు !

గ్రంధాలయాలలోనూ మనకు 

       పుస్తకాలెన్నొ ఉన్నాయి, 

శ్రద్దగా మనము వెదికితే... 

   సమాధానాలు దొరుకుతాయి

ఇంకా సులువుగ తెలుసుకునే సెల్ఫోనిప్పుడు మన కుంది ! 

 అడిగిన ప్రశ్నకు క్షణాలలో... 

  జవాబు చెప్పేస్తుంది... !!

       *****