అసూయ పతనానికి నాంది;- కొప్పరపు తాయారు

  దేవుడి పాదాల చెంతపడి ఉన్న పువ్వులు దేవుడి మెడలో దండై హారంగా కొలువున్న పూలని చూసి అసూయగా అడిగాయి. మీరూ, మేమూ ఒకటే కదా! మరి మీరు దేవుడి మెడలో మేము దేవుడి పాదాల దగ్గర ఉన్నాం. మీ గొప్పతనం ఏంటి? మేం చేసిన పాపం ఏమిటి? అని.
      దండలో ఉన్న ఒక పువ్వు చిన్నగా నవ్వి చెప్పింది. దేవుని మాలలో చేరడానికి మమ్మల్ని సూదిలో గుచ్చి మాగుండా దారాన్ని నింపుతారు. ఆ నొప్పి భరించి నిలబడటం వల్లనే మాకు దేవుడి మెడలో చోటు దక్కింది. మీరు భరించలేక కిందపడి పోయారు. అందుకే మీకా స్థానం దక్కింది అని వివరించింది.
అందుకే ఎవరైనా మనకంటే ఉన్నత స్థాయిలో ఉన్నారంటే వాళ్ళు ఆ స్థానాన్ని చేరుకోవడానికి ఎంత నొప్పిని అనుభవించి ఉంటారో, ఎంత కష్టపడి ఉంటారో అర్థం చేసుకుని; మనం కూడా ఎదగడానికి ప్రయత్నం చేయాలి తప్ప అసూయ చెందకూడదని అర్థం
శుభోదయం