నీ మార్గమునే... ; - సి హేమలత (లతాశ్రీ )పుంగనూరు

మయూరమై నా మనసే

 ఆడేనూ నీ నీడన/

సుఖశాంతులు ప్రతిరోజు

 కలిగేనూ నీ నీడన//

నీవు నడుచు మార్గమునే

నడిచెదనూ కలకాలము/

నా తోడుగ అవకాశము

నిలిచేనూ నీ నీడన//

పదుగురికీ మంచి చేయు

 మనసున్నా మారాజువి/

నీ మాటలు వేదాలుగ

మిగిలేనూ నీ  నీడన//

ఆకాశపు హర్మ్యాలను

నేనెప్పుడు నిర్మించను/

బోధనలై నీ సేవలు

మసిలేనూ నీ నీడన//

ఆనాడూ ఈనాడూ

మానవుడే మాధవుడూ/

ఈ లోకము ఆ పలుకులు

తలిచేనూ నీ నీడన//

నీబోధన ఫలితముగా

వ్యసనాలే చిత్తాయెను/

కుర్రకారు సంతసించి

వదిలేనూ నీ నీడన/

కష్టాలకు లక్ష్యాలను

వదిలిపోని ధీరుడవూ/

నీ సహచరిగ లతాశ్రీ 

నడిచేనూ నీ నీడన//