ఖండగతి;- చంద్రకళ యలమర్తి
రదీఫ్ : అమ్మాయి
గజల్ :2
*****

ఆడుతూ పాడుతూ ఎదిగింది అమ్మాయి
తల్లిలా సేవలను చేసింది అమ్మాయి

 గడపనే దాటకని ఆంక్షలే పెడతారు 
తానబల కాదనీ తెలిపిందిఅమ్మాయి 

ఇంటినే దిద్దుకుని ఉండమని అన్నారు
వాణిలాచదువులే చదివిందిఅమ్మాయి

స్వేచ్చనే వద్దంటు గీతలే గీసారు
ఝాన్సిలా తెగువనే చూపింది అమ్మాయి

వంటనే చేయుటే చాలనీ అన్నారు 
ఇందిరగ దేశమునె ఏలింది అమ్మాయి

వేధించు దుష్టులను కాళిలా తరిమింది 
మనువుమా(ట) వినమంటె  నవ్వింది అమ్మాయి

 విద్యలే నేర్చింది పరీక్షలె గెలిచింది
లక్ష్మిలా జీతమే తెచ్చింది అమ్మాయి

***


కామెంట్‌లు