* తెలుసుకొనుముసోదరా *; - కోరాడ నరసింహా రావు !

ఉషోదయపు రవికిరణాలతో 

 ఎన్నెన్నో వర్ణాలు... 

    కన్నులపండుగ చేస్తుంటే.., 

  రసహృదయం ఉప్పొంగి... 

  భావగీతాలు ఆలపించదా.. !

 మనసులోని భావాలకు... 

   ప్రతీకలీ రంగులుకాదా... !

  

త్యాగానికి కాషాయం... 

   స్వచ్ఛతకు తెల్లదనం... 

  విజయానికి ఆకుపచ్చ.. 

 

      గగనంలో రెప - రెప లాడే     మన జాతీయ పతాకానికి 

  సంకేతము లివే   కదా .... !!

ప్రకృతిలో  వర్ణాలు..... 

  మనిషి మనసుకు.... 

    దర్పణ ప్రతి బింబాలు !

.

శివుడు కామదహనమొనరించి 

కోరికలను జయింఛమని.... 

 ఇచ్చిన సందేశానికి... 

  ఆనందపు హేల... 

ఈ రంగులకేళి... హోలీ.. !

సప్తవర్ణ  సమ్మిళితం... 

  ఈ మనిషి జీవితం... !

 సమయానికి తగు వర్ణముతో 

  శోభిల్లు చుండు  కదా... 

  శుభములు కోరే పసుపు... 

  పైరులలో  పచ్చదనం.... 

 అన్యాయాలను 

               ఎదిరించే ఎరుపు 

  దుఃఖానికి ప్రతిరూపం నలుపు 

    మన ముఖ కావలికల... 

   రంగులె చెప్పును... 

   మన మనసులోని భావాలను

. కాదని అన్నా.. లేదనుకున్నా 

 చెప్పకనే  చెప్పును రంగులు !

హొలీ రోజున ఆడే... 

    ఈ రంగుల ఆటలు...., 

  బ్రతుకుకు తప్పని 

     స్థితి, గతులే యని... 

  తెలుసుకొనుము సోదరా.. !

.    ******