సౌరభాల ముత్యాలు !;- గుర్రాల లక్ష్మారెడ్డి కల్వకుర్తి.సెల్.9491387977.నాగర్ కర్నూల్ జిల్లా.

సువర్ణ వర్ణం ముత్యాలు

రజితం రంగు రత్నాలు

పాలవర్ణం పగడాలు

కలసి మెరియు అందాలు !

ముక్కెరకొచ్చు ముత్యాలు

అక్కరకొచ్చు రత్నాలు

పసిడి ఛాయ పగడాలు

పలు వన్నెల అందాలు !

ముత్యాలన్నీ మెరిసేను

రత్నాలన్నీ కురిసేను

పగడాలు ఇక మురిసేను

కలసి అవి అలరించేను !

ముత్యాలు తరతరాలవి

రత్నాలు పూర్వీకులవి

పగడాలు పస ఉన్నవి

అన్ని మురిపిస్తూన్నవి !

ముత్యాలు మురిపించునులే

ర త్నాలు రాణించునులే

 పగడాలవి పరువాలే

సిరిని  అందించునులే !

ముత్యాలు సిరిని పెంచినవి

రత్నాలు రాశి పోసినవి

పగడాలు పోగేసినవి

మూడూ కలిసి పోయినవి !

ఈ ముత్యాలము దాచి

పగడాల గాలించి

నింపుకో నీ సంచి

వాటినిక అలంకరించి !

మన అందాల హారాలు

మన లోగిలికి అందాలు

అవి కావులే శిథిలాలు

అనుభవాల సౌరభాలు !