అభినందనాలిడుచున్నది... ; - కోరాడ నరసింహా రావు!

హొయలొలుకు వగలాడిని 

  కలహంసని పొగుడుదురు !

  పక్షి జాతిలో నిన్నే... 

... హంస రాజమని అందురు !

  ఆకాశంలో  హంసలమై... 

   ఎగిరిపోదమని నవజంటలు 

     కలల నే కను చుందురు...!!

 క్షీర, నీరముల వేరుజేసి... 

..పాలను గ్రహించు... 

.  నీ చతురతను.... 

   నీతి  వాక్యములుగా....

   బోధింతురీ జనులు... ! 

   స్వచ్ఛతకు నీ తెల్లదనము... 

   చెప్పుకోదగ్గది సుమా... !!

      మీ కలహంసల జంట 

    రమణీయమై...  కన్నులపండువ

...........గావించునుగదా !

    అరుదుగా కనిపించే... 

    హంసజాతి మీది...., 

అందుకోండి అభినందనాలిడుచున్నది 

.. మా మానవజాతి.. !!

     *******