" చెట్టు @...! "-- కోరాడ నరసింహా రావు !

కడుపుకింత కూడు దొరకాలంటే... పంటలు పండాలి గా.. !

  పంటలు పండాలంటే... వానలు కురవాలిగా... !

   వానలు కురవాలంటే... నేలపై పచ్చదనం పుష్కలంగా ఉండాలిగా... !

    అడవులన్నీ అంతరించిపోతుంటే... ఇంక పచ్చదనమెక్కడ... !?

    వర్షాలెక్కడ... ?! పంటలెక్కడ.. !? తిండే కాదు గుక్కెడు నీటికీ ఇక్కట్లు తప్పవు కదా... !!

     తిండీ, నీరే కాదు......, 

మన ఊపిరులు నిలవటానికి 

ఒక్క శ్వాసకోసం అల్లాడిపోయే 

రోజులూ రాకతప్పవు.... !

      ఓ మనిషీ... !

  విరివిగా మొక్కలను నాటి... 

   ఈ ఉపద్రవం నుండి బయట పడు.... !!

      లేకుంటే....., కడుపుకింత కూడు, గుక్కెడు నీళ్లు... దొరకక 

ఊపిరాడక ప్రాణాలు విడుస్తావ్ 

      చెట్టే... నీరు !

  చెట్టే.... తిండి... !!

 .. చెట్టే.... ప్రాణం.. !!!

   జాగో... మానవా.... జాగో.. !

        ******