ముక్కున వేలేసుకుంది !; - కోరాడ నరసింహా రావు.

అన్యాయం జరిగినోడు... 

  న్యాయస్థానానికి వచ్చాడు !

 అన్యాయం చేసినోడూ... 

   న్యాయస్థానానికి రప్పించబడ్డాడు !!

వాదితరుపునవాదించేవాడూన్యాయవాదే !

 ప్రతి వాది తరపున వాదించేవాడూ... 

   న్యాయవాదే.. !!

చూసినదో - విన్నదో.... 

  ఉన్నది, ఉన్నట్టు చెప్పటానికో సాక్షీ వచ్చాడు !

 

 వాదోపవాదాలు జరుగుతున్నై !

  న్యాయమూర్తి ఇరువైపుల వాదనలూ వింటున్నాడు !

సాక్ష్యాధారాలను పరిశీలిస్తున్నారు !

చివరిగా.... 

వాది తరపు న్యాయవాది... 

  జస్టిస్ మి లార్డ్... అన్నాడు !

 ప్రతివాది తరపు న్యాయవాదీ 

  జస్టిస్ మి లార్డ్ అనే అన్నాడు !!

    తీర్పు వెలువడింది.... !

 అంతా గమనిస్తున్న న్యాయదేవత ముక్కున వేలేసుకుంది.... 

   తన సమక్షంలోనే... 

   జరిగిన అన్యాయానికి !!

       ******