అక్షర సారధి.... గేయం;- బల్ల కృష్ణవేణి పలాస

అక్షర మక్షర యక్షరం

లక్ష సాధనాల్లో ఇది సుస్థిరం

శిక్షణ జగతికి చదువుల పుష్పం

అక్షరము ప్రతిభకు కొట్టును పట్టం........ అక్షర....

1 లోకం కానని లోయలో ఉన్నా

ఆప్తులు ఎరుగని వాడలో యున్నా

గువ్వ చూడని గుడిసెలో యున్నా

యేలు మేలనే మేడలో యున్నా

అక్షరమున్నది అందరి ఆస్తి

అక్షర వెలుగులో చీకటి నాస్తి.......... అక్షర.......

2 పశువుగ అడవిలో తిరిగే మనిషికి

ప్రకృతి గుట్టును విప్పే ఘనతకి

అంతరిక్ష యాన సన్నాహానికి

అక్షర మొక్కటే వారధి రా

అక్షర జ్ఞానే సారధి రా........ అక్షర...

_________________________