* బాలగేయం * ; - కోరాడ నరసింహా రావు !

అయ్యలూ... 

  కొరకరాని కొయ్యలూ... !

    చిట్టి  తాతయ్యలూ... !!

తియ్యండి  బ్రష్షులు... 

  తోమండీ  పల్లు ..... 

   కడగండి  ముఖాలు... 

     చెయ్యండి హోము వర్కులు 

ముగించండి  స్నానాలు 

  తినండి  చద్ది బువ్వలు 

    వెయ్యండి యూనిఫారాలు 

      ఎక్కడున్నాయి సాక్సులు ?

         తొడగండీ బూటు లు !

అదిగో  బడి గంటలు... 

  ఇరిగో మీ స్నేహితులు... 

    శ్రద్దగా వినండి పాఠాలు !

    చక్కగ సాగాలిమీచదువులు 

కలిసి - మెలిసి ఆడాలి ఆటలు 

  నేర్చుకోవాలి మంచి పాటలు 

ఉన్నతమవ్వాలి మీ బ్రతుకులు

మామది నిండాలి ఆనందాలు !

       *******