చిత్ర కవిత... ! * నీ సొంతం చేసుకో... ! *- కోరాడ నరసింహా రావు.

 కోరికల గుఱ్ఱాన్నెక్కి... 
  ఊహా లోకాల్లో.... 
     విహరిస్తే  చాలదు... !
అవి సాకారం కావాలంటే... 
   లక్ష్యాలను గురిపెడుతూ... 
      కార్యాస్త్రాలను... 
     సoధించ వలసిందే..... !!
లేదంటే.... ఎడతెరిపిలేని 
    పరుగులతో.... 
      ఈ మనసు గుర్రానికి... 
    అలసటేతప్ప    ఆనందమెక్కడిది !?
  
నీ ఆశయాల ఆశలు... 
   నెరవేరాలంటే...., 
  నీకోరికల ఆకాంక్షలు... 
     తీరాలంటే..., 
   నీవా ఆనంద రసానుభూతిని తనివితీరా ఆస్వాదించాలంటే.. 
   లక్ష్యాన్ని గురితప్పక ఛేదించు 
 పరిపూర్ణ విజయానందాన్ని... 
   నీ సొంతం చేసుకో.... !