కర్పూర వసంత రాయలు
కాదు, కవనామృతపు పాయలు
కదిలినట్లనిపించే మాకు
కల్ల కాదాయెను పరాకు.
ఎందుకంటే.....!?
మకమల్ శయ్యగా
పవళించు లకుమా......
సకల సుఖముల నొసగు లకుమ
ముఖము కానరాక రాయలు
వికల మతియైనట్లు తోచెను
" లకుమ.... లకుమా......
అనుచు .....రాయలు...
సఖిని కానక తపన చెందుతు
చిక్కి శల్యంబైన తనువుతొ
చింతలోనున్నట్లు దోచెను..
మీరూ....
ఆమె తన కను దీప మనుకొను
ఆమెయే తన ఊపిరనుకోను
అమర ప్రేమికుడైన రాయల
న- సహనముతో రోసినారా !
పండు వెన్నెలలోన మిరువురి
గుండె లేకము చేసి - తమతమ
నిండు కౌగిలిలోన బిగిసిన
రెండు యెదలెడ బాపినారా !?
తానె చెలియై - చెలియై తానై
ప్రాణం మొకటై మసలు జంటను
ఒంటిగా విడదీసి - వొకరిని
మట్టి లోపల పూడ్చినారా !?
అయినా.....!
రాజులో దీపించు రాగము
రమణిలకు మొనరించు త్యాగము
కపట మెరుగని రాణి ఓర్పును
కవనమల్లిన నీదు నేర్పును...
ఎట్లు పొగడక ఉందుము !
ఎట్లు మరుతుము ముందు మేము !!
*( అభినందన రచన కాలము 1974)*
*" రసస్రవంతి " & " కావ్యసుధ "*
హయత్ నగర్ : హైదరాబాడు
addComments
కామెంట్‌ను పోస్ట్ చేయండి