జనవాణికి, జే ,కొడదాం, ఘనవాణిని రక్షిద్దాం !(వాడుక భాష ప్రాధాన్యతపై,కవిత్వం!)
==============================================================
1. ప్రజలకొరకు,
ప్రజల వలన,
ప్రజల చేత!
విస్తరించే జనవాణి,
జనజీవనబాణి!
"భావవినిమయం",
భాష సరిపాత్ర ధారిణి!
వక్త భావం,
శ్రోత హృదయం చేరాలి!
భాష కారాదు అవరోధం,
చేయాలి అనుసంధానం!
మాట్లాడే భాషలోనే ,
రచనలు జరగాలి!
పదాల అర్ధాలు,
వెతుక్కునే అనర్ధం పోవాలి! *
దేశమును ,
ప్రేమించుమన్నా,
మంచి అన్నది ,
. పెంచుమన్నా !
గిడుగు, గురజాడల ,
బాటలో ముందుకు పోవాలి!
2. అర్థం కాని భాషల రచనలు,
రచయితల సమాధులు!
అర్థమైతే అవి ,
జన చైతన్య,సౌధ పునాదులు !
ఎంకి పాటలు ,
ప్రేమకి విరసిన పూల తోటలు!
వేమన ఆట వెలదులు,
కవితానంద జలధులు!
జనవాణికి నీరాజనం పట్టు,
ఆ ఘనవాణికి పట్టంకట్టు!
జానపదాలే ,
జ్ఞాన పథాలకి ,దారి చూపెట్టు!
భాష వినాలి, అనాలి, చదవాలి, భాషలో వ్రాయాలి!
ఈ భాషా నైపుణ్యాలు,
సరిజీవన నైపుణ్యాలు !
విశ్వాన విహరించే,
మానవ విహంగ వీక్షణాలు!
_________
addComments
కామెంట్‌ను పోస్ట్ చేయండి