బాబూ.... పాపా... రండీ... !; -కోరాడ నరసింహా రావు.

బాబూ...పాపా....రండీ...రండి!

ఉదయిస్తున్న సూర్యుడ్ని చూడండి !

    చేతులు జోడించి భక్తితో... దండం పెట్టండి !

అది కేవలమొక అగ్ని గోళమని అంటారు కానీ...., 

   మనకు ప్రత్యక్ష  దైవమీ దిన కరుడే.. ! 

ఈసూర్యుని,ఉదయాస్తమయములే... మన రాత్రీ - పగలుకు మూలం !

సూర్యుని వలన నే... సముద్ర జలములు ఆవిరి యై... 

  మేఘములుగ మారి..., 

   మనకు వర్షములు కురియు చున్నవి.. !

సమృద్ధిగా పంటలు పండాలన్నా..., 

  మనం ఆరోగ్యంగా ఉండాలన్నా... 

  ఆ సూర్యదేవుని కరుణ వలననే.... !

నింగీ, నేలా... నీరూ, గాలీ... భగ - మండే అగ్నిగోళమీ సూర్యదేవుడూ...., 

    ఇవన్నీ మనకు పూజనీయ దైవాలే !!

మన పుట్టుకకు, సుఖ, సంతోషాది సర్వము నకూ... 

  మూలమైన ఈ శక్తులను... 

 ఆరాధించుటే, మన భారతీయ ఔన్నత్యము !

బాబూ... పాపా... ఆ బాల భానుని దివ్య మూర్తికి... 

  భక్తి, శ్రద్దలతో మ్రొక్కండి.. !!

      *******