19.
ప్రేమ బతుకు శ్వాస,
మనిషిని నిలబెట్టే వెన్నుపూస!
ప్రేమ హృదయం మణిపూస,
మనసు వెన్నపూస !
ప్రేమ, సమున్నత వ్యక్తిత్వ,
పోత పోసి బంగారు మూస!
మానవత్వం కవితకు,
ప్రేమే అంత్యానుప్రాస!
మన అంతిమ ప్రయాణానికి,
ప్రేమే అసలు వీసా!
20.
ప్రేమ మానవ సహజం,
వయసున ఆవేశం!
వయసుడిగిన అభిమానం,
సరి జీవన బంధం!
ఈ జీవన బంధం రాబోయే,
జన్మలకు అనుబంధం!
అంతర్నేత్రం, చూడాలని ఆత్రం,
బతుకు సూత్రం !
మారని సంతకం, వ్రాయని,
జాతకం ,తరగని పంపకం!
21.
త్యాగం అమృత తత్వం,
మానవత్వ నిజ పరిమళం !
అమరవీరుల త్యాగఫలం,
మన స్వాతంత్ర్య వరం !
అమ్మానాన్నల అహర్నిశల, త్యాగం మన జీవన అస్తిత్వం!
సజ్జనుల నిర్మల త్యాగం,
సహజీవన ఆధారం!
నిత్యం శ్రమజీవుల సుఖ, త్యాగం అభ్యుదయ మూలం!
_______________________
addComments
కామెంట్‌ను పోస్ట్ చేయండి