* నవరాత్రుల హేల షురూ !- కోరాడ నరసింహా రావు !

పది రోజుల ముందునుంచే... 

  చందాలకోసం... పిల్లలు డబ్బాల గల - గల లతో.... !

పెద్దల గుంపులు... చందా పుస్త కాలతో... ఇంటింటికీ, షాపు షాపు కీ..... !!

వినాయక నవరాత్రి మహోత్సవాల సందడి తో... 

.   ఊరూ - వాడా... !

రెండు నెలల ముందునుండే... 

 ప్లాస్టో  ప్లాస్టర్ తో  రక, రకాల రంగు, రంగుల భారీ విగ్రహాల తయారీ... ఊర్లకు కాస్తదూరంగా పొలిమేరల్లో !

ముద్దొచ్చే అందమైన మట్టి బాల గణేశుల బుల్లి - బుల్లి 

 విగ్రహాలు కుమ్మరి వీధుల్లో !!

నవరాత్రుల పూజలకని.... 

రంగులు అలంకరణలతో 

  అందముగా ముస్తాబయ్యే.. 

 వినాయక మండపాలు... !

ముంగిట పచ్చని చలువ పం దిళ్లు...మామిడి తోరణాలతో !!

తొలిపూజలందుకును బొజ్జ దేవర,చిన్నా పెద్దా మూర్తులతో 

తోపుడు బళ్ళు మొదలుకుని 

  అలంకరించిన లారీలపై... 

  బాజాబజంత్రీలు, పాటలహోరు, చిన్నా పెద్దా తేడా చూడక... దారిపొడుగునా డాన్సులతో... 

  బాలగణపతికీ... జై... !

  బొజ్జ గణపతికి... జై... !!

   విద్యా గణపతికి.. జై... !!!

..విజయ గణపతికి జై.. అంటూ... కోలాహలపు ఊరేగింపులు.. !!

వేదమంత్రాలు, మంత్రోచ్ఛరణలు... 

  పత్రీ, పువ్వుల పూజలు !

  రక - రకాల నైవేద్యాలు !!

సాయం సంధ్యలలో ప్రతి రోజూ 

రక - రకాలవినోద  కార్యక్రమములు... !

 

ఉల్లాసముగా, ఉత్సాహముతో 

జరిగే  ఈ నవరాత్రులు.... 

  స్తబ్దత నిండిన సమాజంలో 

   నూతనోత్తేజము నిచ్చే తీరును... !!

       *****&*&********