జీవన సార్ధకత.- డా. పివిఎల్ సుబ్బారావు, 9441058797.

115. 

       నా చిన్ని బొజ్జకు,

                   ‌. శ్రీరామరక్ష!

      ఎంతసేపు,

         బతుకంతా అదే దీక్ష !

      ఎవరి మీదనైనా ,

                ఉందా ఆపేక్ష !

     ఎంత సేపూ ,

     నీవు తిరిగేది ఒకటే కక్ష్య!

    జాగ్రత్త,

  నీ జీవితానికి తప్పదు పరీక్ష!

116.

      ఓ మనిషి!

    

    చీమలు పెట్టిన, 

        పుట్టలో పామై బతకకు !

      తేనె పట్టులో,

            ఒక బిందువైతే చాలు!

     పరాన్న జీవిగా,

                జీవితం గడపకు !

    పరులకు పరమాన్నం ,

           పంచే వాడివి కావాలి!

117.

      ఓ మనిషి !

     భోగాలకు ,

                 నిత్యం భోక్తవే !

    జనక్షేమ ,

           యజ్ఞాన సమిధవై !

    త్యాగ జీవన,

     సోమయాజివై నిలవాలి! 

    జీవితమంటే ,

       స్వయం సమర్పణం!

_________

రేపు కొనసాగుతుంది.