జీవన సార్ధకత.;- డా. పి వి ఎల్ సుబ్బారావు, 9441058797.

136.

       పెద్ద చెరువు జలం ,

                          ఎండదు !

      పెద్దవాడి పాపం ,

                          పండదు!

 

       శిక్షలు,జైళ్ళు, 

              సామాన్యజనానికే!

      వాయిదాలు,బైయిళ్ళు,

,                  ఓ నిజ వర్గానికే!

     కలియుగాన బతుకు,

       సొంత బలం ఉన్నోళ్ళకే!

137.

      ఆమె చేతి కత్తి ,బొండాలు,

              భలే నరుకుతుంది! 

      అవి అమ్ముకుంటూ,

           నీతిగా బతుకుతుంది!

 

     తనపై చేయివేస్తే మటుకు,

          ఆ చెయ్యి నరికేస్తుంది!

    స్వీయ రక్షణలో,

    న్యాయమూర్తి అవుతుంది! 

   క్రమశిక్షణలో నేరస్తురాలిగా,    

      కోర్టులో లొంగిపోతుంది!

138.

      వాడు బురదలో పుట్టి , బురదలోనే  బతుకుతున్నాడు!

 

     ఓనాడు, పద్మమై ,

        వికసించి పరిమళిస్తాడు!

 

    నీవు బురద రాసుకొని,    

                 బతుకుతున్నావు!

 

   నిన్ను అందరూ ,

        దూరంగానే ఉంచుతారు! 

   బురద ఒక్కటే అయినా,    

        ఫలితాలు భిన్నమే మరి!

‌_________

రేపు కొనసాగుతుంది.