తూనీగలు! తూనీలు!! - -గద్వాల సోమన్న,ఎమ్మిగనూరు,-9966414580

చూడు చూడు తూనీగలు

చక్కనైన తూనీగలు

గాలిలోన చక్కర్లు

కొట్టి తిరుగు తూనీగలు

పెద్ద పెద్ద రెక్కలతో

పొడవైన తోకలతో

కన్నుల పండుగ చేయును

చిక్కకుండా విహరించును

తూనీగలు కీటకాలు

చేయును వింత శబ్దాలు

అవి కావా! అందానికి

అసలు సిసలు ఆనవాలు

ఆడి ఆడి అలసిపోయి

నేల మీద వాలిపోవు

ముచ్చట పడి వెంటపడిన

తప్పించుకుని పారిపోవు

తూనీగల రెక్కలేమో 

మనోహరమైన అల్లిక

వాటిని పట్టుకోవాలని

పిల్లలకు భలే కోరిక

.