సుప్రభాత కవిత - బృంద

కనక వీణ మీద

కమ్మని కవనం మీటుతూ

కలకలమంటూ దిగివచ్చి

కళకళలు తెచ్చిన వేకువ

మరకతమణుల వెలుగును

పచ్చని చేలకు బహుమతిగా

వెచ్చగ తెచ్చి బహుకరించి

పరవశింపచేసిన వేకువ

లేత కిరణాల వెలుగులతో

బంగరు రంగులు నింపుతూ

పొంగే ప్రేమల రేఖలతో 

పుడమికి ప్రేమలేఖ రాసే వేకువ

జలజలరాలే సువర్ణ సుందర

కాంతిధారల ముంచుతూ

జగతికి ఉత్సాహం  పంచుతూ

చైతన్య గీతికలా వచ్చే వేకువ

కలతలన్నీ మరిపించి

కలలతో మురిపించి

కొత్త ఆశలు కలిగిస్తూ

కనుల విందు చేసే వేకువకు

🌸🌸 సుప్రభాతం 🌸🌸