అమ్మ అనుగ్రహమునకై !- కోరాడ నరసింహా రావు !

ఆదిమానవుల ఆయుధాలవి రాయి,.... కర్రలే... !

 ఇనుమును కనుగొన, ఆయుధాలనేకములైనవీ !!

మనిషి సాధించు అనేక  ఘనకార్యములలో ప్రధానమైనవి ఆయుధమ్ములే !

కత్తి, బల్లెము,గొడ్డలి,బాణము 

పురాణ కాలపు ఆయుధమ్ములివె !

శ్రీకృష్ణుని ఆయుధము చక్రము 

  అర్జునునిది బాణము !

  భీముని ఆయుధము గద... 

 పరశురాముడుడు వాడెను గొడ్డలి !

    శత్రువులతో   పోరులో... 

  సాధారణముగ అందరి ఆయుధములు కత్తి, డాలు, బల్లెములే... !

 రావణుని  శ్రీ రాముడును... 

 మహిషాసురుని భద్రకాళియు 

 సంహరించినది, విజయ దశమి నాదే.... !

చేపట్టిన ఆయుధమునకు... 

  విజయమును చేకూరినది 

ఆశ్వయుజ దశమి తిధి నాడే !

ఈ నవీన సమా జములో.... 

 జీవనమే ఒక సమరమాయెను 

 వృత్తి పనిముట్లే  ఆయుధమ్ములు !

నాగలి, కొడవలి,...సుత్తి, సేనం 

 గునపం, పార... వృత్తి పరికరములే దివ్యాస్త్రశస్త్రాలు 

   

 జీవనోపాధికై చేయుపనిలోన... 

   విజయము కాంక్షిస్తూ... 

 ఈ విజయ దశమినాడు 

  పనిముట్లను మన ఆయుధములకుపూజలు చేయుదము, మనము  పూజించుకొందుము !

 చేయు పనులకు సత్ఫలితములను పొందినట్లుగా... మనల ననుగ్ర హింపు మని

   ఆ జగజ్జననిని ప్రార్ధించుచు !!

      *******