మనోనేత్రం.(బాలపంచపదులు )- టి. వి. యెల్. గాయత్రి.-పూణే. మహారాష్ట్ర.

 1.
పంచేద్రియాణాం నయనం ప్రధానము
విశ్వాన్ని ఉత్సాహంగా వీక్షించటము
సత్యాసత్యం నిర్ధారించుకోవటము
సంయమనంతో సాగునీ ప్రయాణము
జ్ఞానదృష్టి మనకావశ్యకం జయ!//
2.
దృష్టిలోపం మిగుల్చునంధకారము
అడుగేయాలంటేనే బహుకష్టము
తోడులేక సాగలేదీ దౌర్భాగ్యము
అంగవిహీనం ఘోరమైనశాపము
జ్ఞానదృష్టి మనకావశ్యకం జయ!//
3.
అంధులకు వలసినంత సాయము
చేసిచూపవోయ్ నీదు మమకారము
ధైర్యంతో దారిచూపుటే ఔదార్యము
సౌకర్యాలు కల్గించుటే సౌహార్ద్రము
జ్ఞానదృష్టి మనకావశ్యకం జయ!//
4.
మనుషులక్కావాలి మనోనేత్రము
అంతర్నేత్రంతో గాంచగా నాదైవము
చరించు నీ తోడునీడై నిరతము
త్రినేత్రం చూపించునా ముక్తి మార్గము
జ్ఞానదృష్టి మనకావశ్యకం జయ!//