జ్ఞానము విలువైనది;- -గద్వాల సోమన్న,9966414580

శ్రేష్టమైనది జ్ఞానము

కలుగజేయును గౌరవము

జీవితంలో జీవము

అన్నింటిలో అమూల్యము

అభివృద్ధికి ఆధారము

సమస్యలకు పరిష్కారము

చక్కబెట్టును  పరిస్థితులు

మార్చివేయును స్థితిగతులు

జ్ఞానం లాభదాయకము

బ్రతుకులో స్వర్గధామము

కల్పిస్తుంది అవకాశము

ఎక్కిస్తుంది అందలము

తెలుపుతుంది మర్మాలను

కదిలిస్తుంది హృదయాలను

జ్ఞానమెంతో బలమైనది

సంపద కన్నా విలువైనది

చేస్తుంది మహనీయులు

చేయిస్తుంది గొప్ప పనులు

ఘనతకు మూలం జ్ఞానము

పెంచుతుంది మనోధైర్యము

జ్ఞానము కాంతి రూపము

జీవితాల్లో మణి దీపము

భగవంతుని ప్రతిబింబము

జ్ఞానము లేకున్న శూన్యము

జ్ఞానముంటేనే క్షేమము

బ్రతుకులగును సుభిక్షము

జ్ఞానంతో అన్ని సాధ్యము

ఎదుగులకు ఏకైక మార్గము

అపారమైనది జ్ఞానము

అది లేక అంధకారము

జ్ఞాన సాధన చేసుకొనుము

ఉన్నతికి చేరుకోనుము