పల్లెటూరి పిల్లలు (బాల గేయం)- ఎడ్ల లక్ష్మి-సిద్దిపేట

పల్లెటూరి పిల్లలు

పలక బలపం పట్టారు

పరుగులు తీస్తూ వెళ్లారు

బడికి వారు చేరారు

ఏక దుస్తుల్లో ఉన్నారు

ప్రార్థన వారు చేశారు

కలిసి మెలిసి పిల్లలు

తరగతి గదిలోకెళ్లారు

గురువుకు వారు మొక్కారు

అ ఆ ఇ ఈ లు దిద్దారు

అక్షరాలన్నీ నేర్చారు

బాలశిక్ష చదివారు

ఆటలు ఎన్నో ఆడుతూ

పాటలు ఎన్నో పాడుతూ

పై తరగతిలోకి వెళ్లారు

ప్రథమ స్థానంలో నిలిచారు

ఇంటికి వచ్చి పిల్లలు

పనులు ఎన్నో చేస్తారు

బాధ్యతగా ఉంటారు

విద్యలో వెనక్కి వెళ్లారు