దుబ్బయ్య తాత (బాల గేయం)- ఎడ్ల లక్ష్మిసిద్దిపేట

దుబ్బయ్య తాతా వచ్చాడు

రెండు దున్నలు తెచ్చాడు

వాటితోనాగలి కట్టాడు

పొలం అంతా దున్నాడు!

బారేడు పొద్దు ఎక్కింది

నాగలి విడిచి ఆ తాతా

కాలువ గట్టుకు చేరాడు

దున్నలపెయ్యి కడిగాడు!

దొడ్డిలో వాటిని తోలాడు

 గడ్డి తెచ్చి వేశాడు

చెట్టు కిందికి వచ్చాడు

అవ్వ అంబలి తెచ్చింది!

కంచం నిండా పోసింది

కడుపునిండా తాగాడు

నడుము వాల్చి ఒరిగాడు

నిద్ర లోకి జారాడు !