86)సురేశః -
సకల దేవతలకు దేవుడు
దేవాధిదేవుడయినవాడు
కోర్కెలదీర్చువారిలో అధిపుడు
ఆదిదేవుడు అయినట్టివాడు
శ్రీవిష్ణు సహస్రనామాలు ఉమా!
87)శరణం -
శరణుజొచ్చిన రక్షించువాడు
అభయమును కలిగించువాడు
ఆర్తత్రాణ పరాయణుడు
ముక్తులనివాసమైన వాడు
శ్రీ విష్ణు సహస్రనామాలు!ఉమా!
88)శర్మః -
సచ్చిదానంద స్వరూపుడు
సత్యము తానైనట్టి వాడు
ఆనందముకు మూలమైనవాడు
ఆత్మకు మోదం కలిగించువాడు
శ్రీ విష్ణు సహస్ర నామాలు ఉమా!
89)విశ్వరేతాః -
ప్రపంచం కారణమైన వాడు
తొలి బీజమునైనట్టివాడు
మూలకారణముగానున్నాడు
విశ్వముకు బీజమైనవాడు
శ్రీ విష్ణు సహస్ర నామాలు ఉమా!
90)ప్రజాభవః -
సకల భూతాలకు కారకుడు
ఆవిర్భావము చేయగలవాడు
జన్మ కారణమైనట్టి వాడు
ప్రజలకు సృష్టికారకుండు
శ్రీ విష్ణు సహస్రనామాలు ఉమా!
addComments
కామెంట్ను పోస్ట్ చేయండి