1.ఓ రామయ్యా!అమ్మానాన్న,
లేని వాడిని అయ్యా!
అరవై ఏళ్లు నిండాయి,
చూసావా మా అయ్యా!
అందరి మాటలు,
వినలేకున్నాను ఓ అయ్యా
నామాట వినిపించలేని,
దీనుడై ఉన్నా కదయ్యా!
కళ్ళతో స్పష్టంగా లోకాన్ని,
చూడలేని హీనుడనయ్యా!
2. శిశువు అంటే ముద్దు ,
లోక సహజం!
నాకుముద్దుపెట్టమంటే ,
ప్రతివాడికి వెలపరం!
శిశువు కేర్ అంటే ,
తక్షణం కేర్ చేసే జనం!
నేను భోరుమని ఏడుస్తున్నా,
వీడరు తమ మౌనం !
అందుకే నిరీక్షిస్తున్నా,
లెక్కిస్తున్నా ప్రతి క్షణం!
3. వృద్ధుడికి ఏవో ,
పండుగలంట!
బహుశా అది కొందరి,
సుకృతం అనుకుంటా!
నా ఉనికి దండుగ,
ఇది జన తీర్మానమంట!
జాలి, దయ ,కరుణ,ఈ జనం,
నిజంగా మరిచారంట!
వృద్ధాశ్రమం వార్ధక్య ,
నిజ సాఫల్యం మంట!
4.
మనిషిమొక్కల్నిపెంచుతాడు,
పర్యావరణ పరిరక్షణ!
కుక్కల్ని ప్రేమగా సాకుతాడు,
ఇంటికి సదా రక్షణ !
ఇంటి ముందు గూర్ఖా పోషణ,
మనిషి వస్తే బహిష్కరణ!
మనిషి మనిషిని మనిషిగా, చూడడు, నాగరికత వశీకరణ !
వాడుకో, వదిలించుకో,
ఆధునికుల ఆచరణ!
5. వృద్ధాప్యం వయో,జ్ఞాన,
వృద్ధి కారకమా ?
జీవితాన ముందుకు,
అడుగేయ శాపఅవరోధమా?
జీవన దశలలో,
ఈ దశ అవహేళనమా ?
ఓవిధాతా!
గొప్పచదరంగ చతుర నిర్మాతా!
నీవు నడిపే పావుల్ని,
నీవే వెనక్కి తీయరాదా?
రచ్చ చేయకు, రక్షణా చేయకు!
,ఓ కరుణానిధి! కరుణించి,
ఏతెంచి ,నీ ఒడి చేర్చి,
లాలించవయ్యా!
________
.
addComments
కామెంట్ను పోస్ట్ చేయండి