తీగల వంతెన ;- డా.టి.రాధాకృష్ణమాచార్యులు-9849305871

మనసుకు దగ్గరున్న 

చిరకాల మిత్రత్వం తీగలవంతెన నవ్వే

నన్నూపిన కొమ్మ ఊయల మతికొచ్చేలా

ఊహలలూపిన ఊయలమనసేదో 

తేలే తీగల వంతెన విహారం 

వికసిత ఆనంద నృత్యసీమలో

రంగుల కలలు అరచేతిలో

రంగవల్లులు మట్టి ఎదలో ఎగిసే

తెల్లని రంగున హరివిల్లు విన్యాసం

మనిషంటే హోలీ రంగులాట

కలామతాలకతీతమైన మనిషి 

ఆడే ఆటలో తలెత్తుకున్నదే సంతోషం

ఆట నీదే ఆడేదీ నీవే 

ఒంటరిగా కాదు నలుగురితో  

కలిసిన మైదాన ఆటే ఆరోగ్యం

క్లాక్ టవరైనా కమానైనా కరీంనగర్ 

మానేరైన గలగలల కవితా ప్రవాహమే

తీగల వంతెన బతుకుదారి మజిలీ మాత్రమే

నింగీ నేలను కలిపే

స్నహబంధమే తీగల వంతెన  

తడిసే భావోద్వేగాల రెక్కల నదిపై

_________