చంద్రశేఖర! పాహిమాం! "కవి మిత్ర" శంకర ప్రియ., శీల.,సంచార వాణి: 9912767098

  🪷భక్తి ప్రపత్తుల తోను
సేవించెడి భక్తులము!
    నిన్నే నమ్మితిమి శివ!
చంద్రశేఖర! పాహిమాం!  
🪷శాపగ్రస్తుని చంద్రుని
కళలు పెంపొందించిన
     వామదేవుడవు నీవె!
చంద్రశేఖర! పాహిమాం!
      [అష్టాక్షరీ గీతి., శంకర ప్రియ.,]
 ⚜️చంద్రుడు.. అమృత కిరణములు కలవాడు! తారలకు అధిపతి! సప్త దినాధిపతులలో ఒకడు! అటువంటి చంద్రుణ్ణి  శిరోభూషణంగా జటాజూటం నందు కలిగిన వాడు! కనుక, చంద్రశేఖరుడు! 
🔱శివో మహేశ్వర శ్శంభు:
     పినాకీ "శశిశేఖర:"! అని,...
శ్రీ శివాzష్టోత్తర శత నామస్తోత్రము నందు;  పరమేశ్వరుని ప్రస్తుతించారు, విష్ణుమూర్తి!
 ⚜️పరమశివుని ఆర్తితో ప్రార్థించిన వారికి... కష్టనష్టములు పోగొట్టు చున్నాడు! భక్తితో పూజించినవారికి, మనోభీష్టములు నెరవేర్చ చున్నాడు! కనుక, భక్త వశంకరుడు, శంకర భగవానుడు! 
       🚩ఉత్పలమాలా  వృత్తం
 ( వాణీ, పద్మా, అంబా, రతీ, దరధ్వని తాళగర్భిత మైనదీ పద్యము.)
       🚩 ఉత్పల మాల:-
     సామము సంకటం బొసగ సాయము కోరితి చంద్రశేఖరా! 
     వామము ప్రాకృతం బవగ బాయగ   కోరితి  ఫాలనేత్రుడా!
      నామది  నైకధా యనగ నాయము  కోరితి నాగభూషణా;
      నీమము  నీకెగా  ననిగి నేయము కోరును  నీలకంధరా!
       (👌ఈ ఉత్పల మాల పద్యంలో... వాణీ , పద్మా , అంబా, రతీ, దరధ్వని తాళ గర్భితముగా పద్యములను ... పేర్కొనబడినవి )
🪷వాణీ (ర న భ భ ర వ, 13 యతి)
     సంకటం బొసగ సాయము కోరితి చంద్రశేఖరా!
    ప్రాకృతం బవగ బాయగ   కోరితి  ఫాలనేత్రుడా!
     నైకధా యనగ నాయము  కోరితి నాగభూషణా!
      నీకెగా  ననిగి నేయము కోరును నీలకంధరా! 
🪷పద్మా: (సససజగ, 9 యతి)
     సగ సాయము కోరితి చంద్రశేఖరా!
     వగ బాయగ   కోరితి  ఫాలనేత్రుడా!
     నగ నాయము  కోరితి నాగభూషణా!
      నిగి నేయము కోరును  నీలకంధరా !
🪷అంబా (భభరవ, 7 యతి)
     సాయము కోరితి చంద్రశేఖరా!
     బాయగ   కోరితి  ఫాలనేత్రుడా!
నాయము  కోరితి  
    నాగభూషణా!
నేయము కోరును  నీలకంధరా!
 🪷రతీ:- (భరవ)
      కోరితి చంద్రశేఖరా!
      కోరితి  ఫాలనేత్రుడా!
      కోరితి నాగభూషణా!
      కోరును  నీలకంధరా!
🪷దరధ్వని తాళ వృత్తము , (రన ) యతిలేదు 
   సంకటం బొసగ 
   ప్రాకృతం బవగ 
   నైకధా యనగ 
    నీకెగా  ననిగి
         ( పద్య రచన:-  బొలిశెట్టి సత్య నారాయణ.,)
  🔱 చంద్ర శేఖర! చంద్ర శేఖర! చంద్ర శేఖర! పాహిమాం!