శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

606)శ్రీశః -

సిరులకు అధిపతియైనవాడు 

లక్ష్మికి నాథుడైయున్నవాడు 

ఐశ్వర్యమూలమైనట్టి వాడు 

శ్రీలకు స్థానముగారాజిల్లువాడు 

శ్రీవిష్ణు సహస్రనామాలు ఉమా!

607)శ్రీనివాసః -

నివాసములో లక్ష్మియున్నవాడు 

శ్రీ వేంకటేశ్వర నామమున్నవాడు 

సప్తగిరులలో కొలువైనవాడు 

భక్తులకు అందునట్టివాడు 

శ్రీ విష్ణు సహస్రనామాలు ఉమా!

608)శ్రీ నిధిః -

ఐశ్వర్యముకు నిధివంటివాడు 

సంపదల మాళిగయినట్టివాడు 

భక్తులకోరికలు తీర్చగలవాడు 

ఆధ్యాత్మిక నిధి అయినట్టివాడు 

శ్రీ విష్ణు సహస్రనామాలు ఉమా!

609)శ్రీ విభావనః -

సిరులను పంచునట్టివాడు 

సంపద వితరణ చేయువాడు 

ధనపరిచయము చేయువాడు 

కలిమికారణమైనట్టి వాడు 

శ్రీ విష్ణు సహస్రనామాలు ఉమా!

610)శ్రీధరః -

వక్షమందు శ్రీదేవి గలవాడు 

విష్ణువుగా వెలసినట్టి వాడు 

బుద్ధదేవుడు తానైనవాడు 

సిరులను కలిగియున్నవాడు 

శ్రీవిష్ణు సహస్రనామాలు ఉమా!

(సశేషం )