శ్రీ విష్ణు సహస్రనామాలు (బాల పంచపది )- ఎం. వి. ఉమాదేవి

516)అమితవిక్రమః -

అమితవిక్రముడై యున్నవాడు 

ఎదిరించువారు లేనివాడు 

ధీశక్తి సంపన్నుడైనట్టి వాడు 

పరాక్రమవంతునిగానున్నవాడు 

శ్రీ విష్ణు సహస్ర నామాలు ఉమా!

517)అంభోనిధి -

దేవఋణమును తీర్చునట్టివాడు 

మనుష్య, పితృ అంభస్సులున్నవాడు 

అనంతజలరాశిగా నున్నవాడు 

అంభోనిధియై నిలుచువాడు 

శ్రీ విష్ణు సహస్రనామాలు ఉమా!

518)అనంతాత్మా -

ఆత్మస్వరూపునిగా యున్నవాడు 

ప్రాణులన్నిటా ఆత్మగానున్నవాడు 

అనంతాత్మకు రూపమైనవాడు 

పరిమితిలేక భాసిల్లువాడు 

శ్రీ విష్ణు సహస్ర నామాలు ఉమా!

519)మహోదధిశయః -

వైకుంఠమునందున్నట్టి వాడు 

క్షీరసాగరశయనుడైనవాడు 

శేషతల్పమునందుయున్నవాడు 

విష్ణుమూర్తియై రాజిల్లువాడు 

శ్రీ విష్ణు సహస్రనామాలు ఉమా!

520)అంతకః -

ప్రళయములోన నున్నట్టివాడు 

అన్నిటిని అంతముచేయువాడు 

పాపమును నశింపజేయువాడు 

అంత్యకాలప్రభువైనవాడు 

శ్రీ విష్ణు సహస్రనామాలు ఉమా!

(సశేషం )