శ్రీ విష్ణు సహస్రనామాలు (బాల పంచపది )- ఎం. వి. ఉమాదేవి

521)అజః -

పుట్టుకయే లేకుండినట్టివాడు 

ఆదినుండియు ఉన్నట్టివాడు 

గెలువబడనట్టివాడైయున్నాడు 

త్రిమూర్తులు తనలోనున్నవాడు 

శ్రీ విష్ణు సహస్రనామాలు ఉమా!

522)మహార్హ -

విశేషపూజకు అర్హుడైనవాడు 

అర్చితుడగుటకు తగినవాడు 

అనురూప్యత గలిగినవాడు 

యోగ్యతలు కలిగినట్టి వాడు 

శ్రీ విష్ణు సహస్ర నామాలు ఉమా!

523)స్వాభావ్య-

నిరంతరస్వరూపి యైనట్టివాడు 

జ్ఞానముతో విరాజిల్లుచున్నవాడు 

స్వాభావికము అయినట్టివాడు 

స్వీయజ్ఞానము గలిగినవాడు 

శ్రీ విష్ణు సహస్రనామాలు ఉమా!

524)జితమిత్రః -

శత్రువులని జయించువాడు 

విజయము స్థిరము చేయువాడు 

గెలుపుకు అనుకూలమైనవాడు 

యుద్ధమందు జయించుచున్నవాడు 

శ్రీ విష్ణు సహస్రనామాలు ఉమా!

525)ప్రమోదన -

నిత్యానందములో నున్నట్టి వాడు 

ప్రమోదకారకునిగా నున్నవాడు 

సంతోషమును కలిగినవాడు 

హృష్టుడైనట్టిరీతిలో నున్నవాడు 

శ్రీవిష్ణు సహస్రనామాలు ఉమా!

(సశేషం )