మానవత్వంతో మంచి మనిషిగా బతకండి*;- - ప్రభాకర్ రావు గుండవరం ఫోన్ నం.9949267638

నయవంచకుల 

నమ్మక ద్రోహుల

అరాచకుల 

అవినీతి పరుల 

భరతం పట్టే కాలం 

దరి దాపుల్లోనే

ఎన్నో రూపాల్లో 

కాచుకుని కూర్చుని ఉంటూంది 

నాగిణిలా 

ఎప్పుడో టక్కుమని 

కాటేసి విషం 

చిమ్మక మానదు

మాడి మసి చేయక తప్పదు

ఆ సమయం 

గాలంలో చిక్కి 

విల విలా కొట్టుకునే 

చేప పిల్ల కన్నా 

వలలో పడి 

రెక్కలు ముక్కలయేట్లు 

కొట్టుకునే పిట్టల కన్నా 

నరక లోక బాధ కన్నా ఘోరం 

యమ యాతన కన్నా 

భయంకరం మహా భీభత్సమ్

ఖబర్దార్!!!!!

నీతిని నిజాయితీని ఆశ్రయించండి 

న్యాయం ధర్మాన్ని పాటించండి 

మానవత్వంతో మంచి మనిషిగా బ్రతకండి*