శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

716)అపరాజితః -

అపజయం ఎరుగనట్టివాడు 

ఓటమినెపుడు పొందనివాడు 

పరాజితుడు కానట్టివాడు 

సదా విజయుడైయున్నవాడు 

 శ్రీవిష్ణు సహస్రనామాలు ఉమా!

717)విశ్వమూర్తిః -

విశ్వమే తనమూర్తిగా గలవాడు 

భువనములను నిండినవాడు 

లోకాకృతిని పొందియున్నవాడు 

విశ్వరూపము చూపించువాడు 

శ్రీవిష్ణు సహస్రనామాలు ఉమా!

718)మహా మూర్తి-

గొప్ప ఆకారము గలిగినవాడు 

భారీతనము యున్నట్టివాడు 

గొప్ప విగ్రహముగా నున్నవాడు 

మహా మూర్తివంతుడైనవాడు 

శ్రీ విష్ణు సహస్రనామాలు ఉమా!

719)దీప్తమూర్తిః -

జ్ఞానముతో ప్రకాశించుచున్నవాడు 

సంపూర్ణ తేజస్సు గలిగినవాడు 

దీప్తిని పొందియున్నట్టివాడు 

భాసించు మూర్తిత్వము గలవాడు 

శ్రీ విష్ణు సహస్రనామాలు ఉమా!

720)అమూర్తివాన్ -

కర్మాధీన శరీరము లేనివాడు 

అదృశ్యముగా  నుండినవాడు 

కనులకు గోచరించనట్టివాడు 

ఎటువంటి మూర్తిత్వము లేనివాడు 

శ్రీవిష్ణు సహస్రనామాలు ఉమా!

(సశేషం )