శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

646)త్రిలోకాత్మా -

త్రిభువనముల ఆత్మవంటివాడు 

మూడులోకములు ఆత్మ నుంచువాడు 

ప్రాణకోటికి ఆత్మనిచ్చువాడు 

త్రిలోకాధిపత్యము గలవాడు 

శ్రీవిష్ణు సహస్రనామాలు ఉమా!

647)త్రిలోకేశః -

ముల్లోకములకు ప్రభువైనవాడు 

విశ్వముకు అధికారియగువాడు 

లోకముల శాసించునట్టివాడు 

సర్వభువనములనేలువాడు 

శ్రీవిష్ణు సహస్రనామాలు ఉమా!

648)కేశవః -

దీర్ఘకేశములు గలిగినవాడు 

ఘనమైన శిరోజములున్నవాడు 

విష్ణుమూర్తి అవతారమున్నవాడు 

మంచి వెండ్రుకలున్నట్టివాడు 

శ్రీ విష్ణు సహస్రనామాలు ఉమా!

649)కేశిహాః -

కేశియసురుని గూల్చినవాడు 

దివ్యత్వము చూపించువాడు 

ఇతిహాసమునున్నట్టి వాడు 

అసురప్రకృతిని గూల్చువాడు 

శ్రీ విష్ణు సహస్రనామాలు ఉమా!

650)హరిః -

అజ్ఞానము హరించివేయువాడు 

సంసారదుఃఖము తొలిగించువాడు 

కర్మజనిత బాధలు తీర్చువాడు 

హరియై వైకుంఠమునున్నవాడు 

శ్రీవిష్ణు సహస్రనామాలు ఉమా!

(సశేషం )