శ్రీ మాల్యాద్రి నారసింహ శతకము.;- టి. వి. యెల్. గాయత్రి.పూణే. మహారాష్ట్ర

 తేటగీతి పద్యములు 
--------------------------
46.
నీకు దాస్యము జేయుచు నిష్ఠ తోడ 
రాత్రి పవళులు గడిపితి లావుకొఱకు 
వినగ రావయ్య మా దేవ వేడ్కమీర 
నన్నుఁ బాలింపు మాల్యాద్రి నారసింహ!//

47.
దిశల వెల్గొందు దేవర దిక్కు నీవె 
యతిశయంబుగ చాటితి నాలకింపు 
నీవు తోడని యెరిగితి నిక్క మిదియె 
నన్నుఁ బాలింపు మాల్యాద్రి నారసింహ!//
48.
నీతి శాస్త్రము లెన్నియో నేర్పు తోడ 
చాల ఘనముగ తలచి నే చదువు కొంటి 
బుద్ధి నీమీద నిలుపని బోధ లేల 
నన్నుఁ బాలింపు మాల్యాద్రి నారసింహ!//
49.
చక్కదనముల సామినిన్ సన్నుతింప 
పెక్కు రీతుల భజనలు పేర్మి తోడ 
జేసి కొలచితి నీవె నా చెలుడ వనుచు 
నన్నుఁ బాలింపు మాల్యాద్రి నారసింహ!//
50.
దిద్దుకొందును దప్పులు దేవదేవ!
చక్క జేయవే నాబుద్ధి సాధువినుత! 
చిక్కు లన్నియు తొలగించి చేయిపట్టి 
నన్నుఁ బాలింపు మాల్యాద్రి నారసింహ!//