విజ్ఞాన జ్యోతికలు పుస్తకాలు;- -గద్వాల సోమన్న,9966414580

మస్తకాలు వెలిగించే దీపము

అందమైన అక్షరాల రూపము

విజ్ఞానము పంచిపెట్టు పుస్తకము

అజ్ఞానము తరిమికొట్టు వికాసము

బాగుపడాలంటే బ్రతుకులు

చదవాలి చాలా పుస్తకాలు

హస్త భూషణము ఆనాడు

తారుమారు ఆయెను ఈనాడు

నిజమైన స్నేహితుడు పొత్తము

స్థిరపరచును చంచల చిత్తము

తెలియజేస్తుందోయ్!సమస్తము

ఇది అక్షరాల వాస్తవము

ఏకాగ్రత కలుగజేయును

అభద్రతాభావం తరుమును

భరోసా ఇచ్చు గురుదేవులు

పరికింపగా  పుస్తకాలు

పుస్తకాలను గనుక నమ్మితే

భవిష్యత్తు బంగారుమగును

ఇష్టపడి శ్రద్ధగా చదివితే

జీవితాలు భువిని బాగుపడును