శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

846)వంశవర్ధనః -

వంశము వృద్ధిచేయుచున్న వాడు 

విస్తరణ చేయగల సమర్థుడు 

సమూహము నడిపించుచున్నవాడు 

వంశవర్థన నామమున్నవాడు 

శ్రీ విష్ణు సహస్రనామాలు ఉమా!

847)భారభృత్ -

భారము వహించుచున్నవాడు 

విశ్వ మనుగడ నిలుపువాడు 

బాధ్యతలు నిర్వహించగలవాడు 

సేవాభావము గలిగినవాడు 

శ్రీవిష్ణు సహస్రనామాలు ఉమా!

848)కథితః -

వేదముల కీర్తిగలిగినవాడు 

ప్రవచనములు చెప్పుచున్నవాడు 

భాష్యకారునిగా యుండినవాడు 

యోగ వృత్తాoతము వివరించువాడు 

శ్రీవిష్ణు సహస్రనామాలు ఉమా!

849)యోగీ -

ఆత్మజ్ఞానిగా భాసిల్లుచున్న వాడు 

యోగములో ఓలలాడుచున్నవాడు 

ధ్యానమందు మునిగినట్టివాడు 

యోగకవచములో నుండినవాడు 

శ్రీ విష్ణు సహస్రనామాలు ఉమా!

850)యోగీశః -

యోగముకు ప్రభువుగానున్నవాడు 

భక్తులకు ఔషధము వంటివాడు 

కూడికకు ముఖ్యమైనట్టి వాడు 

యోగాభ్యాసము చేయించువాడు 

శ్రీవిష్ణు సహస్రనామాలు ఉమా!

(సశేషం )