శ్రీ విష్ణు సహస్రనామాలు (బాల పంచపది )ఎం. వి. ఉమాదేవి

906)అరౌద్రః -

-----------------

రౌద్రము లేకుండునట్టివాడు 

భయము గొల్పనితీరున్నవాడు 

శాంతిని ఒసగుచున్నవాడు 

తీక్షణతను చూపించనివాడు 

శ్రీవిష్ణు సహస్రనామాలు ఉమా!

907)కుండలీ- 

మకరకుండలాలు ధరించువాడు 

గుండ్రని చెవిపోగులున్నవాడు 

కమండలమును చేపట్టినవాడు 

కుండలీ నామముగలవాడు 

శ్రీ విష్ణు సహస్రనామాలు ఉమా!

908)చక్రీ -

చక్రాయుధమును కలిగినవాడు 

సుదర్శనము చేతనున్నవాడు 

విష్ణుచక్రమును ధరించినవాడు 

చక్రి నామధేయముగలవాడు 

శ్రీ విష్ణుసహస్ర నామాలు ఉమా!

909)విక్రమీ- 

గొప్పశూరుడైయున్నట్టి వాడు 

విజయుడైయున్న భగవానుడు 

అధికబలముతో విజ్రుoభించువాడు 

వీరత్వము చూపించుచున్నవాడు 

శ్రీ విష్ణు సహస్ర నామాలు ఉమా!

910)ఊర్జిత శాసనః -

ఉల్లంఘనము లేని శాసనకుడు 

విడువలేని ఆజ్ఞలనిచ్చువాడు 

ఆచరణమగు వాక్కులవాడు 

వదలలేనట్టి మార్గదర్శకుడు 

శ్రీవిష్ణు సహస్రనామాలు ఉమా!

(సశేషం )