806)మహానిధి-
సమస్త భూతములున్నట్టివాడు
విశ్వము తనలోనున్నవాడు
మహాపద్మమను నిధిగలవాడు
సర్వవస్తు ప్రపంచమైనట్టి వాడు
శ్రీ విష్ణు సహస్రనామాలు ఉమా!
807)కుముదః -
భూభారమును తీర్చుచున్నవాడు
ప్రాణులను రక్షణజేయువాడు
జీవుల మనుగడచూచువాడు
భూమికి మోదము కలిగించువాడు
శ్రీవిష్ణు సహస్రనామాలు ఉమా!
808)కుందరః -
భూమిని చీల్చినట్టివాడు
ఛేదించుకుపోయిన వాడు
ముట్టెతో కుళ్ళగించినవాడు
స్వామి వరాహరూపము వాడు
శ్రీవిష్ణు సహస్రనామాలు ఉమా!
809) కుందః -
భూదానమును ఇచ్చినవాడు
స్థంభము రూపుననున్నవాడు
వరాహవతారము అయినవాడు
కుంద నామముగలిగినవాడు
శ్రీ విష్ణు సహస్రనామాలు ఉమా!
810)పర్జన్యః -
మేఘములను పోలినట్టివాడు
జీవుల తాపత్రయమణుచువాడు
మనశ్శాంతిని ప్రసాదించువాడు
సంతోషం వర్షించుచున్నవాడు
శ్రీవిష్ణు సహస్రనామాలు ఉమా!
addComments
కామెంట్ను పోస్ట్ చేయండి