శ్రీ విష్ణు సహస్రనామాలు (బాల పంచపది )-ఎం. వి. ఉమాదేవి

916)పేశలః -

========

మనోవాక్కాయకర్మల శుద్ధుడు 

రమణీయ ప్రకృతి గలవాడు 

అమితనేర్పును గలిగినవాడు 

చూడచక్కని యాకృతి గలవాడు 

శ్రీ విష్ణుసహస్ర నామాలు ఉమా!

917)దక్షః -

సమర్థుడుగా నిలిచియున్నవాడు 

ధరణికి తగినట్టిదాక్షిణ్యుడు 

దక్షిణామూర్తికి సమానుడు 

దక్షతతో భాసించుచున్నవాడు 

శ్రీ విష్ణు సహస్ర నామాలు ఉమా!

918)దక్షిణః -

దాక్షిణ్యత భావనలునిండువాడు 

భక్తులను బ్రోచుచున్నట్టివాడు 

ఉదారత్వమును చూపించువాడు 

మంచిచెడులు గమనించువాడు 

 శ్రీవిష్ణు సహస్రనామాలు ఉమా!

919)క్షమిణాoవరః -

సహనశీలులలో శ్రేష్ఠమైనవాడు 

క్షమాహృదయం కలిగినవాడు 

ఉదారగుణములున్నవాడు 

ఔదార్యమును చూపించువాడు 

శ్రీ విష్ణు సహస్ర నామాలు ఉమా!

920)విద్వత్తమః -

సర్వజ్ఞత కలిగియున్నట్టివాడు 

విద్వత్తులోఉత్తముడై యున్నాడు 

జ్ఞానము నిండియున్నట్టివాడు 

విద్వత్తమా నామముగలవాడు 

శ్రీవిష్ణు సహస్రనామాలు ఉమా!

(సశేషం )